Mis-adventure Series: Sa Mundo ng Singkit at Piki
October 29, 2006 // Posted by: meemax // Category: UncategorizedOks. Di na makakait na wala na ako sa mundo ng mga adobo at sinigang (hindi obvious ano ang namimiss ko ano?). Kahit ilang beses ko pang sampalin ang sarili, nasa parallel universe na ako kung saan IN ang di nagsusuklay at mas cool ka kung mas weird kang manamit (ie. jean sa ilalim ng palda, beat that!).
Welcome to the Land of the Rising Sun!
Ibang bansa, ibang hinaharap. Pero layk wat ay wil olweys bilib, “universal po ang malas.“
Inonote ko lang: Sa bansang ito kelangan dala lagi ang Alien (di ka singkit, alien ka!) Registration Card o di kaya passport, kung hindi lagot kay pulis-san. Kelangan registered mga aliens dito gaya ni Kryptonian Superman (and that freakish talking hamster, Ebichu-man).
Mis-adventures ng ating kapwa Maharlikan sa bansang ito:
1. Nag-grocery saglit gamit ang isang pambatang bike na pulot at walang ilaw (dapat me ilaw ang bike tsk tsk tsk), hinarang ng pulis sa akalang nakaw ang bike.
(Nakaw naman kase kahit mamulot ka ng basura dito. Bat mo pinupulot ang used tv ko?!? 360 punch! Haya!)
2. Naging TNT for 2 weeks dahil di naasikaso ang visa. TNT = Tago Ng Tago. Alien na nga. Di pa registered.
3. Yes! Nakabalik ng Japan! Sabay iniwan ang wallet at passport sa airport at nasa bahay na nang mapansin ito. Buti nalang… Japan ito. Walang magnanakaw at may tumawag pa para isauli ang wallet. (Goodbye na kung sa Maharlika)
4. Heto ang the best, dahil nakalusot sya despite sa malas na naabutan. Isang lalaking biking towards grocery dahil bibili ng ilaw ng bike, nang… hinarang ng Mamang PULIS!
“Bat la kang ilaw?” (pinoy… malamang nakaw ang bike)
“Bibili na ako ng ilaw sa grocery.. Gusto mo, sabay na tayo?”
(Sabay ngiti na parang ang saya-saya kung magkasama sila)
“uh… hindi… sige… ingat na lang”
Nakalusot di ba? Note sa mga lalaking Japayuki, paghinarang ng pulis, kunwari may bading tendencies. Malas na malas nyo lang talaga kung bading rin.
So far, wala pang nangyayari sa akin. Kung maiwan ko man ARC ko, di pa naman ako nahaharang. Pero napagkamalan na akong bar girl ng ilang beses, what can I say? I got the body… (walang kokontra! Depressed na nga ako dahil walang adobo at sinigang dito!).
——————————————————————————-
Correction! Marami palang nangyari sa akin. Dahil mayroong mga nagpaalala at naghahanap ng “original” mis-adventures.
1. Thinking na hindi nakakalimutan ang pagbibike (like 12 years ago po ung last time ko), nagsubok po ang yours beautifully at bumangga sa poste. So much for hoping to buy a bike dito sa bansang lahat ng tao’y may bike.
2. Just got my ARC and ATM card, nang napagpasiyahan ng split personality kong iwanan ang wallet ko sa arcade (Hoo! Drumania V3!!!). Ang galing galing. After dinner na akong natauhan, at nalaman kong wala na nga akong pera (wallet, duh), wala na akong future pera (ATM ko waaahhh!!!) at wala na rin akong Superman card (Alien!).
3. Sasakay ng train at naghintay sa katapan na platform. (Tagal naman ng 8:02 train, ano ba yan? nalalate ba train dito??? Sabay nasa tapat mo na ung train, sa kabilang platform).
Yes… With great minds, comes simple idiotic bloopers.